【親子好去處】元朗小清新公園-鳳翔路花園

  前幾天經過呢個花園，發現新公園終於開啦！一嚟就見到呢個顏色清新嘅<多圈抹茶雪糕 >（係咪好似呢），3隻馬騮都精神為之一震，即刻電兔上身！呢個<多圈抹茶雪糕 >其實係叫👉滑梯塔，適合5-12歲嘅小朋友，因為……上滑梯只有一個途徑，就係爬繩網！ 對於呢個有點高度而有垂直的繩網，小朋友要手腳並用先可以爬到上去。你話係咪危險？其實就睇你點睇啦，我個人就幾鐘意呢類型有少少危險嘅玩樂設施。 其實真心欣賞現時的新公園，無論係外觀上定設計上，都不斷地改進，新穎又好玩。但每每有新公園出現，亦難逃一個命運，就係.......多人。(你明我都明啦~)   當people mountain people sea嘅時候，情況又變得唔一樣。大人無得跟上去，小朋友又好熱情又急速，一個迫一個時就真係要留意😓。小肥滺就喺條滑梯內就比個小朋友無意地一腳踢咗落塊面同隻眼度，雖然喊完一輪後都係想繼續玩，但都係人少啲時再嚟過啦。 其實最好的解決方法就係.......起多啲<放電好去處> ，咁大家就唔使迫埋一齊啦～（係咪好理想呢）   👉攀爬設施 呢款就新公園常見的設施，小朋友都係唔怕暈的一群，十分迷戀。不過要小心有啲小朋友轉得過快。   👉韆鞦 都係新公園常見設施之一，可以比幾個小朋友一齊玩，相對安全啲。   👉玩具屋 比較新奇的一款，亦係唯一一樣岩未夠3歲的金仔玩嘅設施，外型可愛，絕對岩鐘意爬上爬落嘅小朋友！ 👉毫無人氣的木雕😂  總嘅嚟講，公園唔大 (一眼睇得晒😆)，經過可以嚟玩下。 佢哋都話係好好玩，抹茶雪糕滑梯好刺激（其中一段會全黑）, 之後都會繼續過嚟玩；但唔岩5歲以下小朋友（金仔表示難過）。 💗地址 : 元朗 鳳翔路花園 #元朗 #元朗親子 #親子好去處 #放電 #放電好去處 #遊戲場 #playgroud #鳳翔路花園   🙆Follow Me~~ 💜💜Facebook  💜💜 💚💚Youtube💚💚 💛💛 IG 💛💛   #元朗 #親子 #親子好去處 #放電好去處 #放電 #元朗親子 #遊戲場 #playgroud #鳳翔路花園 (此文章由U Blog 同步發佈至社群)